Friday, January 28, 2022

अहिले त कहाँ नेतृत्व परिवर्तन हुन्छ र ? : प्रचण्ड

काठमाडौं । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले भोलि केन्द्रीय समिति निर्वाचित हुने बताएका छन्। महाधिवेशनस्थल प्रज्ञा भवनबाट बाहिरने क्रममा शुक्रबार साँझ संवाददाताहरुसँग कुराकानी गर्दै अध्यक्ष प्रचण्डले राजनीतिक प्रतिवेदन पारित भएको र अब भोलि केन्द्रीय समिति चयन हुने बताए।

‘राजनीतिक प्रतिवेदन जोडदार ढङ्गले पारित भयो,’ प्रचण्डले भने, ‘भोलि विधान पारित हुन्छ। भोलि नै केन्द्रीय समिति पनि निर्वाचित हुन्छ।’ यो महाधिवेशनबाट नेतृत्व परिवर्तन भने नहुने उनको भनाइ थियो। यसको अर्थ भोलि पदाधिकारी पनि नबन्ने हो। ‘अहिले त कहाँ नेतृत्व परिवर्तन हुन्छ र,’ प्रचण्डले भने।

प्रचण्डले प्रस्तुत गरेको ‘२१औं शताब्दीको समाजवादको नेपाली बाटो’ शीर्षकको प्रतिवेदन आज सर्वसम्मतिले पारित भएको छ। त्यसमा पुरक प्रस्ताव राखेका राम कार्की र हरिबोल गजुरेलले मत समेटिएको प्रचण्डले बताए।

सम्बन्धित समाचारहरु

Leave a Reply

धेरै हेरिएका
- Advertisment -

ताजा समाचार

%d bloggers like this: