Wednesday, December 8, 2021

सन्दीप लामिछाने आबद्ध पाकिस्तान सुपर लिग ट्वान्टी–ट्वान्टी क्रिकेट प्रतियोगिता स्थगित

एजेन्सी । पाकिस्तान सुपर लिग ट्वान्टी–ट्वान्टी क्रिकेट प्रतियोगिता स्थगित भएको छ । पाकिस्तान क्रिकेट बोर्डले लाहोर र कराँचीमा जारी पीएसएल अनिश्चितकालका लागि स्थगित गरिएको जनाएको हो । कोरोना भाइरसको कारण जारी प्रतियोगिता स्थगित गरिएको हो । सहभागी टिमसँगको छलफलपछि खेलाडी र लिगमा सहभागीको स्वास्थ्यलाई ध्यानमा राख्दै लिग स्थगित गरिएको बोर्डले जनाएको छ । पछिल्लो समय खेलाडी र स्टाफमा कोरोना भाइरसको संक्रमण देखिन थालेपछि प्रतियोगिता स्थगित गरिएको हो । यस सिजनको लिगका लागि नेपालका लेग स्पिनर सन्दीप लामिछाने पनि कराँची पुगेका थिए । सन्दीपले लाहोर क्वालन्डर्सबाट पीएसएल खेल्ने तय भएको थियो । लाहोरले सन्दीपलाई राशीद खानको स्थानमा अनुबन्ध गरेको थियो ।

सम्बन्धित समाचारहरु

Leave a Reply

धेरै हेरिएका
- Advertisment -

ताजा समाचार

%d bloggers like this: