Monday, December 6, 2021

प्रधानमन्त्री ओलीको धम्की, संसद विघटन नगर्ने हो भने विश्वासको मत दिनुस्

काठमाडौं : प्रधानमन्त्री केपी शर्मा ओलीले संसद विघटन नगर्ने हो भने आफुलाई विश्वासको मत दिनुपर्ने बताएका छन् । विश्वासको प्रस्तावको विषयमा छलफलमा उठेका प्रश्नको जवाफ दिँदै ओलीले संसद विघटन नगर्नका लागि भएपनि आफूलाई विश्वासको मत दिनु पर्ने धारणा राखेका हुन् । उनले पाँच वर्षका लागि सरकार टिकाउनका लागि विश्वासको मत दिनुपर्ने बताए । विश्वासको मत प्राप्त गर्न नसकेको अवस्थामा संविधानअुनसार नै संसद विघटन हुने ओलीको भनाई छ ।

प्रधानमन्त्री ओलीले झुठो बोल्ने अहिले अवस्था नरहेको बताउँदै भने, हामीले स्थिरता र सहयात्रा चाहेको हो भने त्यही अनुसार गरौं । विश्वासको मत दिनुस् होइन भने संविधान अनुसारको बाटो खोज्नुपर्छ । ओलीले विकल्प प्रस्तुत गर्नका लागि विश्वासको मत ल्याएको भन्दै नत्र संविधानअनुसार गर्ने धम्की समेत दिए । ओलीले सबैभन्दा ठूलो दल भएको हैसियतले सबै पक्षलाई मिलाएर आफू अगाडि बढ्न खोजेको भन्दै आफूले हक राख्ने बताए ।

सम्बन्धित समाचारहरु

Leave a Reply

धेरै हेरिएका
- Advertisment -

ताजा समाचार

%d bloggers like this: