Wednesday, December 8, 2021

लम्कीमा प्रहरीको गोली लागेर घाइते २ जनालाई काठमाडौं रेफर गरियो

कैलाली । लम्कीमा प्रहरीको गोली लागेर दुई जना घाइते भएका छन् । बसको ठक्करबाट एक युवतीको मृत्यु पश्चात स्थानीयले गरेको आन्दोलनलाई तितरवितर गर्न खोज्दा प्रहरीले गोली चलाएको हो । घाइते दुबै जनालाई कोहलपुर मेडिकल कलेजमा उपचार हुन नसकेपछि काठमाडौं रेफर गरिएको छ । यस्तै झडपका क्रममा केही प्रहरी समेत घाइते भएको बताइएको छ । जिल्ला प्रहरी कार्यालय कैलालीका प्रहरी निरीक्षक हिक्मत बहादुर थापाले आक्रोशित भिडले इलाका प्रहरी कार्यालय लम्कीभित्र पसी प्रहरीलाई हातपात गर्न थालेपछि गोली चलाइएको बताए । मंगलबार बिहान लम्कीचोकमा ना ६ ८८३३ नम्बरको बसले लम्कीचुहा नगरपालिका १ बस्ने २२ वर्षीया कमला देवकोटालाई ठक्कर दिँदा उहाँको मृत्यु भएको थियो । घटनालगत्तै स्थानीयले सडक अवरुद्ध पार्दै आन्दोलन चर्काएका थिए ।

सम्बन्धित समाचारहरु

Leave a Reply

धेरै हेरिएका
- Advertisment -

ताजा समाचार

%d bloggers like this: